Cəlilabad Rayon Təhsil Şöbəsində pul yığımı yenə başladı

Ölkə ərazisində karantin elan olunandan Cəlilabad Rayon Təhsil Şöbəsində pul yığımı dayandırılmışdı. Ara-sıra, xırda-para könüllü verənlər olsada hər kəs halından məmun idi. Necə deyərlər "verən məmun, alan məmun idi" deyə səs küydə yox idi.

Doğrudur arada İcra Hakimiyyətindən Humanitar sahəyə baxan müavin Elnarə xanım direktorların bəzilərini icra nümayəndələri vasitəsi ilə sıxıb nəsə ala bilsədə açıq-aydın bazarlıq yox idi.
Artıq bir həftə olar ki, yeni yığım sezonu açıq elan edilib. Cəlilabad RTŞ -nin müdiri ilə İH-nin müavini Elnarə Həsənova əlbir olaraq yeni vergi fikirləşiblər , məktəblərdən "TAXTA PULU"yığırlar. Bu ideya hansı TAXTA BAŞIN ideası olduğu bilinməsədə   direktorların ODUN yerinə qoyulmasında heç bir şübhə yoxdur. Hər məktəbdən bu qondarma vergiyə görə 300-500 arası pul yığılır. Bundan əlavə hər məktəb rəhbərinə zəng edib tapşırıblar ki,  QƏZETPULUnu poçtla ödəyib QƏBZİNİ Cəlilabad RTŞ -nə təqdim etsinlər.

Göründüyü kimi Pandemiya dövründə Prezidentin sərəncamı ilə əhaliyə 190 manat pul ödəndiyi bir halda Cəlilabad RTŞ-i ilə İH-i nin  müəllimlərin əmək haqlarından pul tutaraq onları hakimiyyətdən narazı salmaqda məqsədlərini biz anlamadıq. Yorumunu sizə buraxırıq .